1. სასუქი შაქრით
1 ჩაის კოვზი შაქარი თანაბრად მოაფრქვიეთ მცენარის მორწყვამდე მიწას ან გახსენით 2 ჩაის კოვზი შაქარი ერთ ჭიქა წყალში და ამ ხსნარით მორწყეთ მცენარე. ეს სასუქი გამოიყენეთ კვირაში მხოლოდ ერთხელ. 
2. სასუქი კვერცხის ნაჭუჭით
კვერცხის ნაჭუჭი დიდი რაოდენობით კალცს შეიცავს, კალცი კი, თავის მხრივ, მჟავიანობას ანეიტრალებს. ამიტომაც მინერალური განოყიერების დროს, რაც ამაღლებს ფესვის მჟავიანობას, ნეიტრალიზაციისთვის უმატებენ ნაჭუჭს.

კარგად გარეცხეთ კვერცხის ნაჭუჭი, გააშრეთ და დაფქვით, შემდეგ მოაყარეთ მიწას. 

3. სასუქი ბანანის კანით
წვრილად დაჭერით ბანანის კანი და გაახმეთ. მცენარეების გადარგვისას მოაყარეთ მიწის შიდა ფენას.
ან ბანანის გამხმარი კანები დაფქვით ყავის საფქვავში, მიიღებთ მუქ-ყავისფერ ფხვნილს. მოაყარეთ ბანანის ქერქის ფხვნილი მიწას მცენარის მორწყვამდე ან გახსენით წყალში და ისე მორწყეთ.

4. ჩაი და ყავა 
დააყენეთ ჩაი ან ყავა, გააჩერეთ რამდენიმე ხანს. წყალი რომ შეგრილდება, მორწყეთ ნაყენით მცენარეები. ეს პროცესიც კვირაში მხოლოდ ერთხელ ჩაატარეთ. 

5. ბურღულის ნარეცხი წყალი
ბევრი დიასახლისი იყენებს მიწის გასანოყიერებლად ბრინჯის, წიწიბურას და სხვა ბურღულეულის ნარეცხ წყალს. ასეთი წყალი შეიცავს დიდი რაოდენობით რკინას, მაგნიუმსა და ფოსფორს, რაც არაჩვეულებრივია მცენარეების გასახარებლად. 

6. სასუქი ხახვის ფურცლით
ხახვის ფურცელი შეიცავს ისეთ ნივთიერებას, რომელიც ანადგურებს მცენარის დაავადების გამომწვევ მიკროფლორას. მოამზადეთ ნაყენი შემდეგი წესით: 10-20 გრ ხახვის ფურცელს დაასხით 5 ლიტრი თბილი წყალი, გააჩერეთ 4 დღე, გადაწურეთ და ამ წყლით მორწყეთ ხოლმე მცენარეები. ან უფრო სწაფი მეთოდი: დაასხით ხახვის ფურცლებს ერთი ლიტრი წყალი და ადუღეთ 1-2 წუთი, გააჩერეთ 2 საათი, გადაწურეთ. მიღებული ნაყენი ჩაასხით პულველიზატორიან ჭურჭელში და შეასხურეთ ხოლმე როგორც მიწას, ასევე თავად მცენარეს. 

7. სასუქად ფორთოხლის კანი
ეს უფრო მცენარეების დაავადებების პროფილაქტიკაა. ციტრუსის კანს დაასხით ერთი ლიტრი ადუღებული წყალი და გააჩერეთ 4-5 საათი, შემდეგ გადაწურეთ. ეს ნაყენიც ჩაასხით პულველიზატორიან ჭურჭელში და რამდენიმე დღეში ერთხელ შეასხურეთ მცენარეებსა და მიწას. 

8. ალოეს წვენი - მცენარის ზრდის ბიომასტიმულირებელი
ალოეს წვენს საოცარი თვისებები აქვს მცენარის გახარებისას, განსაკუთრებით კი, ყვავილის თესლის განაყოფიერებისას. მცენარის თესლის დალბობისას დაუმატეთ ალოეს რამდენიმე წვეთი და გააჩერეთ 8-20 საათი. 
ქოთნის უკვე გახარებული ყვავილების მოვლისას კი წყალში დაუმატეთ 3 წლის ალოეს ფოთლის წვენი. იდეალური იქნება, თუ წვენის გამოწურვამდე რამდენიმე დღე ალოეს ფოთოლს მაცივარში შეინახავთ.